فهرس ديوان (هموم مصرية)

فهرس ديوان (هموم مصرية)

إنكِ حبيبتي

عصفورى

وردالجناين

أمل

مين يزود

مصر حبيبتى

زمن الطفولة

همـوم مصريــة

يا فل يا فول

دستورنا إرادة وثورة

إحكم يا قاضى

حب الله والآلِ شعر

بحبـك يامصـر

حمارى سابنى

حمارى سابنى بقلم بنت الطبيعة الدكتورة مرفت محرم

حمارى سابنى

بقلم بنت الطبيعة الدكتورة مرفت محرم

حمارى سابنى وقال لزمانى
مهو جه غيرى وحل مكانى
جالك التوك توك أحسن منى
والتروسيكل جرى قدامى
راجع تزعل وجاى تلومنى
ما هو م الحكمة صنت كيانى
قالوا كتير وكتبوا عنى
إنى أصيل وكمان حقانى
تاهت الحكمة وغرقت منى
والأخلاق ماتت فى زمانى
وحمارى سابنى وبعد عنى
قاللى دى توهه وجرى قدامى
حمارى يا دارى بحالى وحالك
أنا آمر وإنته مطرقع ودانك
يا شايل حمولى وهمومى سنين
يا مين راح يطيعنى يا مخلص بدالك
وأسمع ألاقى فى صدرك أنين
لكن مستكين .. وراضى بعيشتك
وسرك دفين .. وبيبان فى وشك
ملامح عذاب السنين الطوال
يا قوة تحمل .. يا رمز اصطبار
ونارك بتولع ما بين الضلوع
تجوع .. ما تنطق تقول الطعام
وتعطش فتشرب عرق مز جسمك
وإسمك حمار
وجالك قرار : إما الساطور اللى جار
وإما الفرار.. وتنفد بجلدك
حرام انك انته ما ثورتش زمان
وبوست الإيدين بكل استكانه
قبلت الإهانه
قالولك وضيع ..
وضاعت كرامه ما شكروا الصنيع
وراحوا يبيعوا اللى عايش حياته معانا
مطيع ...
وجابوا الماتور
وجابوا الحديد اللى يشبه قلوبهم
صديد المشاعر
وإحساس بليد
حمارى يا دارى بحالى وحالك
ف بالى وبالك دروس للتاريخ
عشان تستفيد ...الأمم والشعوب
فلا تستكين
ولا مره تانيه تتطاطى لواطى
تبوس الإيدين
فإما تعيش بعزة وكرامه
وإما الوفاه
فلا حل أوسط مابين الرحيل
ومابين الحياه
http://pulpit.alwatanvoice.com/articles/2012/03/31/256064.html
...................................

بحبـك يامصـر بقلم بنت الطبيعة الدكتورة مرفت محرم

بحبـك يامصـر

بقلم بنت الطبيعة الدكتورة مرفت محرم

بحبــك وانــا كمـــــان
يا مصـر يا ام الهنـــا
يا ام الجـدايــل زمـان
شـعـرك غــزلاه أنــــا
حسنك طـرح بستــان
وعطـره فـاح بالمنـى
شمسـك فيها الحنـان
وقمــرك نــوره هنـــا
حبـــك زرع الأمـــان
كتـب الإيمـان نصرنا
نيلك روى العطشـان
حكـى مـــوال حبنــــا
حكمة وقالها الزمان
مصـــــر دى أمنـــــا
مصـــــر دى أمنـــــا
http://pulpit.alwatanvoice.com/articles/2012/03/10/253813.html
.........................

حب الله والآلِ شعر بقلم بنت الطبيعة الدكتورة مرفت محرم

حب الله والآلِ شعر

بقلم بنت الطبيعة الدكتورة مرفت محرم

تركت زخارف الدنيا
ورحت أجر ترحالى
بنور القلب هنا أحيا
بحب الله والآلِ
تطوف الروح ساعية
إلى الأنوار فى العالى
محمد حبه أملى
وتقى الرحمن فى حالى
أدام الله حبهم
رسول الله والآلِ
http://pulpit.alwatanvoice.com/articles/2012/03/25/255430.html
.......................

إحكم يا قاضى بقلم بنت الطبيعة الدكتورة مرفت محرم

إحكم يا قاضى

بقلم بنت الطبيعة الدكتورة مرفت محرم

كرنبه مليانه ورق
منفوخة يا قاضى
المعده ف ثانيه اتملت
والعقل مش راضى
الفكر قال يا هوووه
الحكمة هنا غايبة
دا رسولنا قال تلتين
والتلت يكون فاضى
http://pulpit.alwatanvoice.com/articles/2012/03/27/255563.html

دستورنا إرادة وثورة بقلم بنت الطبيعة الدكتورة مرفت محرم

دستورنا إرادة وثورة

بقلم بنت الطبيعة الدكتورة مرفت محرم

دى حقوق الشعب وثيقة
غـير قابلـــــه للتغيير
وإرادة الشعب حقيقة
غير صالحه للتزوير
لا سلفى ولا إخوانلى
يتحكم فى الدساتير
ولا مجلس شعب يقرر
ولا يحكم ع الجماهير
دستورنا إرادة ثورة
من سعد للتحرير
وشهيدنا ساقيها بدمه
أهداها لمصر النيل
http://pulpit.alwatanvoice.com/articles/2012/03/27/255630.html
........................

يا فل يا فول بقلم بنت الطبيعة الدكتورة مرفت محرم

يا فل يا فول

بقلم بنت الطبيعة الدكتورة مرفت محرم

يا فل يا فول يا طبق الأمير
فطارك ياسيدنا وغدا للفقير
وقعت فى حبك وقوع الأسير
وإنته مالكنا بود وحنين
**********
صباح الفل يا طبق الفول
يا سيد الكل سيبنى أقول
فى وصفك شعر يكون معقول
يا شهم يا زين
**********
دا ريحة الفل من ريحك
بياض القلب تسبيحك
يا لوحة فن بتريحك
يا متعة عين
**********
ونابت فيك منابتنا
وشوربتها بقى ف بيتنا
حلاوتها ف حلاوتنا
بتغنينا عن الملاعين
**********
بعيد عن حمى تقلعنا
أوانفلونزا تخدعنا
يا صحن الفول مدلعنا
وفيك فيتامين
**********
وفى الشارع وفى الحارة
تطل علينا بجسارة
وفيك طعمية وبصارة
غذا المساكين
**********
قالوا عنك كتير وقليل
وتستاهل يا فول يا أصيل
وأدى الضعفان صبح كالفيل
بفضل حديد بقى وبروتين
**********
وآه يا سلام لو البصلة تكون جنبك
تغازلها وبتغازلك
تغير منها طماطماية فتندهلك
وتهديلك شوية زيت من الحارين
**********
تقوم حافظ على السكر بقى فى الدم
تزيل إجهادنا وتعبنا فى ثانية يا عم
وتنعشنا تفرفشنا تزيل الهم
يعود الفرح من تانى لقلب حزين
**********
خاتمة
صباح الفل ...يا طبق الفول
يا طعم البصارة بحرارة خطير
وريحة الفلافل قول ما تقول
بيجرى فى دم أحسن وزير
دا مهما عاندنا ومهما بعدنا
برضه انته حبيبنا .... والكبير كبير 
http://pulpit.alwatanvoice.com/articles/2012/03/31/256017.html
......................................

همـوم مصريــة بقلم بنت الطبيعة الدكتورة مرفت محرم

همـوم مصريــة

بقلم بنت الطبيعة الدكتورة مرفت محرم

يا مصر فين ضحتك
والحزن ملاها سنين
بتغازلى ليه دمعتك
ما كفانا بكا وأنين
الحب هجر دنيتك
قتلوه بإيدين شياطين
الهم سكن فرشتك
زاد ألمه وبقينا مساكين
أنا نفسى أشوف بسمتك
وأيامنا تطرح بساتين
وأشوفك يوم زفتك
عروسة محروسة م العين
http://pulpit.alwatanvoice.com/articles/2012/03/30/255874.html
..............................

زمن الطفولة بقلم بنت الطبيعة الدكتورة مرفت محرم

زمن الطفولة

بقلم بنت الطبيعة الدكتورة مرفت محرم

آه من زمن الطفولة
كله براءة وبطوله
قلوب عايشه تحبك
عاشقة ولازم تودك
حلمها وكل مناها
تشوفك دايما معاها
تبعد تتوه ما تلاقيها
تقرب م الفرحة تكبر
قلوب صافيه وتقيه
أيامها بيضا وهنيه
تطوف زى الملايكه
ترفرف بريحها الذكيه
http://pulpit.alwatanvoice.com/articles/2012/04/03/256374.html

همـوم مصريــة بقلم بنت الطبيعة الدكتورة مرفت محرم

همـوم مصريــة

بقلم بنت الطبيعة الدكتورة مرفت محرم

يا مصر فين ضحتك
والحزن ملاها سنين
بتغازلى ليه دمعتك
ما كفانا بكا وأنين
الحب هجر دنيتك
قتلوه بإيدين شياطين
الهم سكن فرشتك
زاد ألمه وبقينا مساكين
أنا نفسى أشوف بسمتك
وأيامنا تطرح بساتين
وأشوفك يوم زفتك
عروسة محروسة م العين
..............................

زمن الطفولة بقلم بنت الطبيعة الدكتورة مرفت محرم

زمن الطفولة

بقلم بنت الطبيعة الدكتورة مرفت محرم

آه من زمن الطفولة
كله براءة وبطوله
قلوب عايشه تحبك
عاشقة ولازم تودك
حلمها وكل مناها
تشوفك دايما معاها
تبعد تتوه ما تلاقيها
تقرب م الفرحة تكبر
قلوب صافيه وتقيه
أيامها بيضا وهنيه
تطوف زى الملايكه
ترفرف بريحها الذكيه

مصر حبيبتى بقلم بنت الطبيعة الدكتورة مرفت محرم

مصر حبيبتى

بقلم بنت الطبيعة الدكتورة مرفت محرم

مصر حبيبتى ها تفضل غالية
مهما الهم حارب فرحتها
لما شيطانهم قام يعافرها
جند الله وقف مساندها
قولوا للفُرقة مهما طالتها
ربها غالب حمى وحدتها
لما الشمس غربت عنها
نور الله لاح فى ساحتها
مصر الغالية مهما حصلك
هو المولى دايما صاينك
مصر حبيبتى ها تفضل غالية
رافعه الراية ... تدوم عزتها
http://pulpit.alwatanvoice.com/articles/2012/06/11/263168.html

مين يزود (مقعد الكرسى) بقلم بنت الطبيعة الدكتورة مرفت محرم

مين يزود (مقعد الكرسى)

بقلم بنت الطبيعة الدكتورة مرفت محرم

قامت المزايدة بين الاثنين على مقعد الكرسى
وانهزت السفينة وتاهت على فين بقى ترسى
المقعد يا ترى لشفيق والا هينوره مرسى
ومصر بتصرخ يا بلد أنا مش للمزايدة ولا لعبه إسمها الكرسى
ولا مين ها يدفع أو مين يزود والكفة ترسى
قولوا للشيطان كفاه وسوسة وعلى بره يمشى
مصر وطن للم الشمل وبإذن الله المركبة ترسى
http://pulpit.alwatanvoice.com/articles/2012/06/13/263375.html

أمل بقلم بنت الطبيعة الدكتورة مرفت محرم

أمل

بقلم بنت الطبيعة الدكتورة مرفت محرم

شمس وقمر فى السما
منذ الخليقة نورهم عجيب
قهر الظلام مهما طغى
دا ظلمته لازم تغيب
الشمس تطلع بالنهار
تمحى الظلام الرهيب
يسطع قمرنا فى السما
يخفى سواده العنيد
مهما الفساد عاث فى البلاد
شمس الحياة تشرق تبيد
ومعاها قمر الهداية وعقيدة التوحيد
هما المنارة فى السما
من ربنا الحى المجيد
حتى نحقق حلمنا
ونعيد لمصر أمنا
مجد الحضارة من جديد
http://pulpit.alwatanvoice.com/articles/2012/08/25/269173.html